Kujdesi i duhur për lëkurën tuaj është jashtëzakonisht i rëndësishëm. Pastrimi dhe hidratimi i rregullt është vetëm një nga mënyrat se si duhet ta ushqeni atë.
Sidoqoftë, nëse keni probleme të tjera të lëkurës, disa rituale të përditshme mund të shkatërrojnë lëkurën tuaj edhe pa qenë në dijeni të saj.
Dushi ka një ndikim të madh në lëkurën tuaj, që nga koha kur kaloni në dush e deri tek mënyra e larjes së trupit tuaj.
Prandaj, është e rëndësishme të gjeni rutinën e duhur që i përshtatet lëkurës tuaj.
A e dini se ajo që bëni me lëkurën tuaj pas dushit është po aq e rëndësishme, ndoshta edhe më e rëndësishme sesa thjesht të bëni dush?
Gabimi që bëjnë shumica e grave pas dushit, i cili shkatërron lëkurën e tyre, është se presin shumë gjatë për të aplikuar një krem hidratues ose për të mos e aplikuar fare.
Pas dushit, poret zgjerohen për shkak të avullit dhe nxehtësisë në banjë.
Çelësi është që ta mbani atë ujë në trup duke aplikuar një hidratues brenda tre minutave, tha dermatologia Cynthia Bailey.
Pritja më e gjatë se tre minuta për të aplikuar kremin hidratues pas dushit do të shkaktojë humbjen e asaj lagështie në lëkurën tuaj, shkruan Alsat M.
Prandaj, mbani gjithmonë një shishe qumësht hidranti në banjë dhe aplikojeni një minutë pasi keni bërë dush për të pasur lëkurë të shëndetshme.
