Kryetari i LDK-së në Podujevë, Ekrem Hyseni, ka thënë se paaftësia e qeverisë po i lë qytetarët pa shërbime shëndetësore, raporton InLajmi.
Hyseni tha se janë 120 profesionistë shëndetësor të cilët e kanë lënë vendin e tyre të punës, ndërsa 1.000 kanë mbetur pa kontrata, krejt kjo për shkak të ministrisë.
“Pandemia e paaftësisë qeverisëse po i lë qytetarët pa shërbime shëndetësore, derisa investimet e parapara janë realizuar vetëm 5%. Janë 120 profesionistë shëndetësorë që e kanë lënë vendin dhe 40 specializantë. Mbi 1.000 profesionistë kjo ministri i la pa kontrata. I kemi vetëm 48 anesteziologë në krejt QKUK-në dhe lista e pritjes do të zgjatet nëse vazhdon ikja e këtyre profesionistëve”.
Gjithashtu ai tha se mungesa e barnave është një problem i zakonshëm, dhe se pacientët detyrohen të blejnë shumicën e ilaçeve.
“Mungesa e barnave është një problem i zakonshëm dhe shumë prej ilaçeve detyrohen t’i blejnë pacientë. Me rreth 60 milionë në kohën e kësaj qeverie ka rënë buxheti për shëndedtësi. Ligji për Shëndetësi është refuzuar dhe ka shkaktuar më tepër se një vit vonesë”, tha Hyseni. /InLajmi/
