Mbreti Charles III është shpallur monark i Mbretërisë së Bashkuar në një ceremoni, ngjarje që për herë të parë transmetohet drejtpërdrejt në televizion, transmeton InLajmi.
Charles, i cili kaloi shtatë dekada si trashëgimtar, u bë automatikisht mbret kur nëna e tij, Mbretëresha Elizabeth II, vdiq të enjten.
Por ceremonia e pranimit ishte një hap kyç kushtetues dhe ceremonial në prezantimin e monarkut të ri në vend.
Dhjetra politikanë të lartë britanikë, duke përfshirë kryeministren Liz Truss dhe pesë nga paraardhësit e saj, u mblodhën në apartamentet e zbukuruara shtetërore në Pallatin St James për mbledhjen e Këshillit të Aderimit.
Mbreti u zotua se do të ndiqte “shembullin frymëzues” të nënës së tij ndërsa merrte përsipër detyrat e monarkut, shkruan Aljazeera.
Unë jam thellësisht i vetëdijshëm për këtë trashëgimi të madhe dhe për detyrat dhe përgjegjësitë e rënda të sovranitetit që më kanë kaluar tani,” tha ai. /InLajmi/
