Ministri i Punëve të Brendshme, Xhelal Sveçla, njofton se Policia e Kosovës ka filluar patrullimin në vijën kufitare mes Republikës së Kosovës dhe shtetit serb, përcjell InLajmi.
Sipas tij edhe pse njësiti për patrullim ujor ishte i krijuar që nga paslufta nuk janë kryer patrullime të llojit të tillë e kjo po ndodhë për herë të parë në qeverisjen e Kurtit.
Tutje Sveçla bëri të ditur se patrullimi do të bëhet në gjithë hapësirën e Liqenit të Ujmanit, teksa përgëzon Policinë e Kosovës për punën e palodhshme dhe sukseset e saj në sigurinë e vendit.
Postimi i plotë i tij:
Për herë të parë që nga paslufta, pas krijimit të njësitit për patrullim ujor, Policia e Kosovës sot filloi me patrullimin e rregullt të vijës kufitare mes Republikës së Kosovës dhe Serbisë, si dhe gjithë hapësirës së Liqenit të Ujmanit. Tashmë, kontrolli i kufirit shtetëror është më i plotë.
Përgëzoj Policinë e Kosovës për suksesin e radhës! /InLajmi/
