Superylli i popit Christina Aguilera do të nderohet me çmimin “Spirit of Hope” në Billboard Latin Music Awards 2022, transmeton InLajmi.
Ky çmim do t’i jepet Aguileres për kontributin e saj filantropik dhe humanitar përtej punës së saj muzikore.
Këngëtarja do të performojë edhe gjatë shfaqjes së çmimeve, e cila do të zhvillohet të enjten, më 29 shtator, në Watsco Canter në Miami dhe do të transmetohet drejtpërdrejt në Telemundo, shkruan Billboard.
Përveç Aguileres artistët, të cilët kanë marrë çmimin “Spirit of Hope” janë Gloria Estefan, Emmanuel, Willy Chirino, Olga Tañon, Maná, Los Tigres del Norte, Ricky Martin, El General, Soraya, Juan Luis Guerra, Shakira, Ricardo Montaner, Juanes, Daddy Yankee, Marc. Anthony, Carlos Vives, Carlos Satana, Luis Fonsi dhe Maluma. /InLajmi/
