Presidenti serb Aleksandar Vuçiq, gjatë një vizite në Pozharevc, para opinionit ka deklaruar se policia e Kosovës ka filluar partullimet përgjatë vijës kufitare dhe hapësirës së Liqenit të Ujmanit, e që sipas tij kjo përbën shkelje të ligjit ndërkombëtar, transmeton InLajmi.
Vuçiq, para pjesëmarrësve në tubim tha se populli serb nuk do të tolerojë më shumë dhunë dhe shkelje të së drejtës ndërkombëtare në Kosovë.
“Shqiptarët po përpiqen të pushtojnë në heshtje veriun e Kosovës me policinë e tyre. Ministri i Brendshëm të kontrollojë liqenin e Gazivodës, që nënkupton shkelje të re të Marrëveshjes së Brukselit. Nëse i pyesim zyrtarët e Brukselit, ata të thonë “po, gjithçka është në rregull”, por më pas gjithçka përkeqësohet. Unë i paralajmëroj, edhe Prishtinën por edhe palën në Bruksel që të mos veprojnë kësisoji edhe një herë. Populli serb nuk do të tolerojë dhunë apo shkelje të ligjit ndërkombëtar. Mjaft keni, luajtur!”, tha Vuçiq, shkruan tvPink.
Ndryshe, Ministri i Punëve të Brendshme të Kosovës, Xhelal Sveçla, ka bërë të ditur se të enjten Policia e Kosovës ka filluar patrullimin përgjatë vijës kufitare Kosovë-Serbi dhe në gjithë hapësirën e Liqenit të Ujmanit./InLajmi/Sh.O./
