Ky është momenti shokues kur një krimb i gjatë sa një 5 vjeçar zbulohet nga një nxënës shkolle duke luajtur në kopshtin e tij.
Barnaby Domigan, 9 vjeç, u fotografua me krimbin e tokës një metra të gjatë nga babai i tij, Chris, pasi e gjeti atë në një përrua jashtë shtëpisë së familjes.
“Ai ishte i befasuar dhe absolutisht i tronditur që një krimb mund të ishte kaq i madh dhe ishte shumë i emocionuar”, tha nëna e tij, Jo.
“Barnaby po luante në oborrin tonë me vëllezërit e motrat e tij Frankie, Pearl, Abraham dhe Remi”.
“Ai po eksploronte ujin për të parë nëse kishte ndonjë gjë interesante atje dhe kur gjeti krimbin gjigant, përdori një shkop për ta nxjerrë jashtë”.
“Ne nuk e matëm atë, por ai mendon se ishte aq i gjatë sa të 2 krahët e tij, kështu që ne imagjinojmë se ishte rreth një metër i gjatë”.
“Ai e thirri burrin tim për të bërë shpejt foton”.
Barnaby, i cili jeton në Christchurch, Zelandë të Re, donte të mbante zbulimin e tij të pazakontë, por mamaja dhe babi nuk u pajtuan.
“Kështu që ai e vendosi përsëri në buzë të ujit ku e gjeti”, tha Domigan, 40 vjeçe.
Familja që atëherë ka mësuar se ka disa lloje krimbash në Zelandën e Re që mund të rriten mbi 30 centimetra në gjatësi.
