Adrien Rabiot është ndarë i kënaqur me paraqitjen e Juventus në Champions League, përkundër humbjes ndaj PSG.
Mesfushori francez, Adrien Rabiot ka komentuar paraqitjen e Juventus në ndeshjen e mbrëmshme ku skuadra e tij u mposht 2:1.
Lojtari beson se megjithatë, skuadra e tij pati paraqitje më të mirë kundër PSG sesa që ka paraqitjet në Serie A.
“Ne duhet të punojmë, të gjejmë sistemin e duhur dhe lojtarët e duhur në fushë, por mendoj se sonte bëmë më mirë sesa në ndeshjet e ligës”, ka thënë Rabiot.
“Për fat të keq, kur ne humbim, ka gjithmonë kritika për lojtarët dhe trajnerin”, shtoi francezi, transmeton Lajmi.net.
Juve u mposht 2:1 ndaj PSG, me 2 gola të shënuara nga Kylian Mbappe dhe një nga Weston McKennie.
