Analisti, Xhevdet Pozhari ka nisur fushatën “Dinjitet për pensionerët”, përcjell InLajmi.
Pozhari ka njoftuar se për këtë fushatë ka gjetur mbështetje edhe tek ministrja e Drejtësisë, Albulena Haxhiu.
Kërkesat e kësaj fushate janë këto:
- Të hiqet obligimi jo njerëzor, morbid, që penzionerët të paraqiten çdo 6 muaj për të dëshmuar se janë gjallë.
- Shtesa çdo muaj për këtë shtresë të shoqërisë në kohën e inflacionit, deri në rritjen dinjitoze të pensionit të tyre.
Pozhari ka theksuar se qëllimi i kësaj fushate është të ngritet zëri për ata që nuk kanë mundësi ta bëjnë një gjë të tillë, për shkak të pamundësisë organizative, apo edhe shkaku i kushteve shëndetësore.
Postimi i plotë i tij:
Ministrja Albulena Haxhiu më dha përkrahjen e saj në fushatën “Dinjitet për penzionerët”.
Kërkesat janë:
- Të hiqet obligimi jo njerëzor, morbid, që penzionerët të paraqiten çdo 6 muaj për të dëshmuar se janë gjallë.
- Shtesa çdo muaj për këtë shtresë të shoqërisë në kohën e inflacionit, deri në rritjen dinjitoze të pensionit të tyre.
Qëllimi i vetëm i kësaj fushate është që të ngrisim zërin për ata që nuk kanë mundësi vet ta bëjnë një gjë të tillë, qoftë shkaku i pamundësisë organizative, apo edhe shkaku i kushteve shëndetësore.
Është e mirëseardhur ndihma e secilit prej jush që dëshironi të kontribuoni për të ndihmuar prindërit, gjyshërit tanë.
Mjafton të bëheni pjesë e fushatës #dinjitetperpenzioneret. /InLajmi/
