Xhirimet e videos muzikore të Madonnas me reperin domenikane Tokischa u ndalën në mënyrë të papritur kur policët mbërritën në një përpjekje për ta mbyllur atë.
Këngëtarja e “Material Girl”, po xhironte këngën e saj të ardhshme me Tokischa, të titulluar “Hung Over” dhe altoparlantët e makinave që luanin muzikë krijuan “zëshmëri dhe çmenduri” që me sa duket shqetësoi fqinjët e shumtë.
Rreth orës 23:39 sipas koh;s lokale një natë më parë, ata morën “disa” ankesa për zhurmën në vendin e xhirimit.
Megjithatë, zëdhënësi i policisë vuri në dukje se “gjendja ishte korrigjuar” dhe “nuk u bë thirrje”.
Gjithashtu se Madonna, Tokischa, kërcimtarët dhe ekipi vazhduan me xhirimet diku tjetër brenda pas largimit të policisë.
Ishte ideja e këngëtares “La Isla Bonita” për të xhiruar videon në Washington Heights “të rrethuar nga kultura” e rrënjëve domenikane të Tokischa, pasi kënga e tyre është pjesë e zhanrit “Dembow”, e cila është e njohur në vendin e Karaibeve.
Këngëtarja u shfaq në video me një parukë të gjatë portokalli, xhaketë jeshile neoni, pantallona të shkurtra, majë të zezë dantelle dhe lëkurë, çizme deri tek gjuri.
Në një moment, ajo kërceu në mënyrë joshëse kundër krijuesit të përmbajtjes që u shndërrua në muzikant.
Megjithatë, duket se Madonna dhe Tokischa janë thjesht miq dhe bashkëpunëtorë që kur u raportua se ajo kohët e fundit është në lidhje me modelin 23-vjeçar Andrew Darnell, shkruan PageSix.
Është vënë re këngëtaren e “Papa Don’t Preach” duke përqafuar me të dashurin e saj të ri të përfolur gjatë fundjavës së Ditës së Punës, transmeton lajmi.net.
Para tij, Madonna kishte një romancë me valltarin 28 vjeçar, Ahlamalik Williams.
