Deputeti i Lidhjes Demokratike të Kosovës, Besian Mustafa, ka thënë se LDK nuk ka gisht në grevën e SBASHK-ut.
Mustafa tha nuk ka asnjë problem që ndonjë sindikalist. pavarësisht profesionit është aktivist, votues apo simptatizant i ndonjë partie, përfshirë edhe Vetëvendosjen.
Jo pikë. SBASHK-u dhe të gjitha sindikatat tjera janë përfaqësues të qytetarëve të Kosovës, disa nga ata qytetarë mund të jenë të angazhuar edhe në parti politike, duke përfshirë edhe partinë në pushtet, dhe kjo nuk përbën asnjë problem.
Nuk ka asnjë problem që pavarësisht profesionit është aktivist, votues apo simptatizant i ndonjë partie, përfshirë edhe Vetëvendosjen”, tha ai.
Mes tjerash, Mustafa tha se edhe në kohën kur LDK-ja ka qenë në pushtet dhe SBASHK-u ka mbajtur takime me partitë politike, përfshirë VV-në, LDK-ja asnjëherë nuk e ka akuzuar SBASHK-un se është vegël e VV-së.
Sipas tij, takimet e SBASHK’ut me partitë politike janë zhvilluar tash e 23 vite, shkruan Gazeta Express.
“SBASHK-u ka pas takime me parti politike para dhe pas grevave, në 23 vitet e fundit, duke përfshirë edhe me Kurtin kur ka qenë në opozitë. Nuk më kujtohet që në atë kohë të ketë akuzuar SBASHK-un që është vegël e VV’së se kryetari i SBASHK-ut në atëbotë me kryetarin e VV’së, është gjë normale që ka pasur takime dhe nuk ka aty hapësir për të thënë se Kurti ka pasur gisht apo instrumentalizuar SBASHK-un. Njëjtë është edhe tash, SBASHK-u është sindikatë e pavarur dhe marrin vendime të pavarur nga kushdo tjetër”, tha ai.
