Lidhja Demokratike e Kosovës ka mbajtur mbledhje të ndara me anëtarët e kryesisë qendrore dhe kryetarët e degëve, përcjell InLajmi.
Në njoftimin e LDK-së theksohet se gjatë takimit u diskutua për zhvillimet politike dhe gjendjen e rëndë që ka kapluar vendin tonë për shkak të rritjes enorme të çmimeve, për krizën energjetike si dhe gjendjen në sektorin e arsimit dhe atë publil.
Lidhja Demokratike i ka bërë thirrje Qeverisë së Kosovës që të adresojë sa më parë problemet me krizën energjetike në vend si dhe të nisë dialogun me mësimdhënësit në mënyrë që greva të ndërpritet dhe fëmijët të kthehen në proces të rregullt mësimor, si dhe të marrë masat e domosdoshme për inflacionin.
Postimi i plotë i LDK-së:
Sot, në mbledhje të ndara, atë të Kryesisë qendrore dhe kryetarëve të degëve është diskutuar për zhvillimet politike dhe gjendjen e rëndë që ka kapluar vendin tonë për shkak të rritjes enorme të çmimeve, për krizën energjetike si dhe gjendjen në sektorin e arsimit dhe atë publik. Lidhja Demokratike edhe njëherë bën thirrje që Qeveria të adresojë sa më parë problemet me krizën energjetike në vend; të nis dialogun me mësimdhënësit tanë në mënyrë që greva të ndërpritet dhe fëmijët të kthehen në proces të rregullt mësimor; si dhe të marrë masat e domosdoshme dhe të prezantuara tashmë për inflacionin dhe papërballueshmërinë qytetare.
Po ashtu kryetari Abdixhiku, në koordinim me Kryesinë dhe me kryetarët e degëve, ka shpallur valën e re të takimeve me qytetarët tanë në të gjithë vendin. Kryetari Abdixhiku ju ka bërë thirrje të gjitha strukturave të LDK-së, nëpër çdo degë e në të gjithë vendin, për mobilizim të gjithëmbarshëm në këtë drejtim. /InLajmi/
