Deputeti i Lidhjes Demokratike të Kosovës, Besian Mustafa, ka kritikuar qasjen e qeverisë në parandalimin e inflacionit përmes pakos së re mbështetëse për qytetarët duke e quajtur këtë, pako diskriminuses, raporton InLajmi.
Sipas tij qeveria krijon pabarazi më këtë pako dhe nuk po i mbështete punëtorët e sektorit privat.
“Qeveria këtë fundjave paraqiti pako të re jo efektive. Shumica e masave nuk janë të planifikuara mirë. Për LDK është veprim në panik i kësaj Qeveri në vend se të jetë plan i menduar për këtë krizë. Qeveria ka injoruar sektorin privat. Asnjë cent nuk u dhanë as të papunëve. Kjo pako nuk ofron mbështetje për qytetarë dhe është diskriminuese”, tha Mustafa.
Deputeti Mustafa shprehet gjithashtu se qeveria nuk bënë asnjë analizë e as nuk ka plan konkret për të tejkaluar krizat.
Ai tha se është e pa qartë se si një qeveri e cila pretendon së është socialdemokrate nuk qanë kokën për barazi dhe bënë ndarje qytetare me pakon e re.
“Është e paqartë se një Qeveri pretendon që është social demokrate nuk qan kokën për barazi. Asnjë investim serioz nuk mund te fillojë. Për shkak se ky ligj është vonë do të përfundojmë me përqindje qesharake të investimeve kapitale. Masat e muajit prill i mori Qeveria pa asnjë analizë e plan. Qeveria po përsëri gabimin dhe do të kemi miliona të shpenzuara kot”, theksoi ai. /InLajmi/
