Në Kosovë pritet të kemi mot me alternime mes intervaleve të gjata kohore me diell dhe vranësirave të herëpashershme lokale. Rrallë në ndonjë vend mund të ketë ndonjë rigë ose rrebesh afatshktër shiu. Temperaturat maksimale pritet të lëvizin nga 25 deri në 27 gradë Celsius.
Në Shqipëri, Maqedoninë Veriore, Kosovën Lindore dhe Mal të Zi pritet të mbajë mot i ngrohtë, me alternime mes intervaleve të gjata kohore me diell dhe vranësirave lokale të herëpashershme. Do të ketë disa gjasa për ndonjë rigë ose rrebesh afatshkurtër në zona të izoluara, shkruan MeteoBallkan.
Nga e mërkura deri të premtën na pret mot kryesisht me diell dhe më i nxehtë. Ende do të ketë vranësira lokale të herëpashershme me gjasa të pakta për ndonjë rigë ose rrebesh afatshkurtër. Të premtën në Mal të Zi dhe veriperëndim të Shqipërisë pritet të ketë shtim të vranësirave dhe rrebeshe lokale shiu me vetëtima dhe bubullimë. Në viset tjera priten intervale kohore me diell dhe vranësira me mundësi për ndonjë rrebesh afatshkurtër, të izoluar shiu me vetëtima dhe bubullimë.
