Presidenti i Turqisë, Recep Tayyip Erdogan, njoftoi për një marrëveshje me Bosnjë e Hercegovinën, që do t’i lejojë qytetarët e këtij shteti të udhëtojnë për në Turqi vetëm me letërnjoftime dhe anasjelltas.
Gjatë vizitës në Sarajevë të martën, më 6 shtator, ai njoftoi se një marrëveshje e ngjashme do të nënshkruhet edhe me Serbinë.
“Ne po punojmë për të nisur një udhëtim të ndërsjellë mes 2 shteteve. Ministrat tanë të Jashtëm do të kryejnë procedurat e nevojshme që kjo gjë të jetësohet”, tha Erdogan dhe shtoi se Turqia është “me Bosnjë e Hercegovinën në të gjitha çështjet”.
Anëtarët e Presidencës trepalëshe të Bosnjës janë pajtuar se një marrëveshje e tillë do të ishte e dobishme për të 2-ja shtetet. Ata konfirmuar se procedurat e mëtejme do të kryhen nga Këshilli i Ministrave të Bosnjë e Hercegovinës.
Pas takimit, udhëheqësi i Presidencës së Bosnjës, Shefik Xhaferoviq, tha se Turqia është e përkushtuar për sovranitetin dhe integritetin e shtetit të tij.
Liderët e të dyja shteteve theksuan raportet e mira dhe miqësore mes 2 vendeve, por edhe për rolin e tyre në “stabilizimin” e situatës në Ballkanit Perëndimor, shkruan Telegrafi.
Pas Bosnjë e Hercegovinës, Erdogan do të qëndrojë të mërkurën në Serbi, ku do të takohet me liderët shtetërorë.
