Mario Balotelli pak ditë më parë zyrtarizoi transferimin e radhës, me sulmuesin i cili firmosi në Zvicër, me skuadrën e Sion.
Italiani duket se nuk e sheh të ardhmen te ky kampionat apo skuadër dhe për më tepër në mendjen e tij po ideon një rikthim të bujshëm.
Mario në të kaluarën ka luajtur për të 2-ja skuadrat e Milanos, Milan dhe Inter dhe në intervistën e fundit, Balotelli ka shprehur dëshirën për një rikthim në Milano.
“Ku do të doja të luaja në Serie A? Më pëlqen Milani. Ndoshta është keq që e them këtë sepse as Interi nuk qëndron më poshtë. Janë 2 skuadra me shumë histori, dhe 2 nga ekipet më të bukura në Serie A. Napoli? Jam vërtet i lidhur me qytetin, do të kisha dashur të isha lojtar ‘blu’, por vite më parë, atëherë kur diskutuam një transferim të tillë nuk ndodhi, për disa arsye,” tha Balotelli, shkruan Supersport.
32-vjeçari ka luajtur për herë të fundit në Itali në sezonin 2020-2021 me Monza-n, ndërsa me Milan luajti për 3 sezone (2012-2014 dhe 2015-2016), ndërsa me Interin u bashkua në vitin 2006 dhe u largua në vitin 2010.
