Njohësi i politikës së jashtme, Visar Xani tha se Qeveria e ka problemin më të madh themelimin e Aocicacionit të Komunave Serbe.
I pyetur se cilat mund të ishin marrëveshjet të cilat mund të ishin të vështira për të pranuar për Kosovën, Xani tha se Qeveria edhe vetë e ka pranuar që e ka të vështirë ta bëjë themelimin e Asociacionit pasi që sipas tij, kjo është e vështirë të ndodh në krye me Kurtin dhe Bislimin.
“Të paktën e ka deklaruar edhe Qeveria që e ka problemin më të madh që të bëjë këtë themelim të Asociacionit dhe në këtë praktikë i bie që vërtetë kjo në krye me Kryeministrin Kurti dhe negociatorin e Kosovës, zotin Bislimi e kanë vështirë që të dialogojnë për këtë çështje dhe të shtyjnë përpara”, tha ai.
Tutje Xani gjatë emisionin “Ditari” në Tëvë1 tha se marrëveshjet të cilat janë arritur në Bruksel duhet të zbatohen.
“Anën tjetër e kemi presionin edhe të Serbisë dhe të Bashkësisë Ndërkombëtare se këtu duhet ecur tutje dhe marrëveshjet të cilat janë arritur në Bruksel duhet të zbatohen, pra të gjitha këto janë nëse mund t’i quajmë ato marrëveshjet e vështira për Kosovën”, tha ai.
