Sallatë me avokado dhe karkaleca

Edhe avokado, edhe karkaleca, pra edhe akullore edhe çokollatë! Mos e lini pa provuar këtë sallatë!

Përbërësit

• 600 gram karkaleca të qëruar
• 1 lugë gjelle vaj ulliri
• 2 avokado të prera në feta-feta
• Kripë, piper
• ½ qepë e kuqe
• ½ lakër e grirë imët ose rukola(sipas dëshires).
• Për salcën:
• 3 lugë gjelle vaj ulliri
• 3 lugë gjelle lëng limoni
• ¼ lugë çaji fara kumini
• ¼ lugë çaji kripë
• ¼ lugë çaji me piper të zi.

Udhëzimet

1. Përbërësit e salcës i përzieni bashkë në një tas dhe i lini mënjanë.
2. Zieni karkalecat për 5 minuta në një tenxhere.
3. Në një tas të madh bashkoni lakrën, avokadon dhe qepën. Shtoni pak kripë, piper dhe vajin e ullirit.
4. I përzieni mirë.
5. Shtoni karkalecat dhe në fund shtoni salcën.
6. I përzieni të gjitha bashkë dhe sallata është gati për t’u shijuar, shkruan Receta Gatimi.
7. Ju bëftë mir!