Çmimi i gazit natyror për megavat-orë në Evropë u rrit për 25.8% në 270.23 euro, treguan të dhënat më të fundit të tregut.
Çmimi i kontraktuar i gazit për shtator në TTF, qendra virtuale e tregtimit të gazit natyror me bazë në Holandë, sot në hapje ishte me 275 euro për megavat-orë.
Çmimet treguan një rritje prej 25.8% në 270.23 euro krahasuar me çmimin e mbylljes prej 214.66 euro më 2 shtator.
Çmimet e gazit u rritën pasi kompania ruse e energjisë Gazprom njoftoi se dërgesat e gazit natyror përmes gazsjellësi “Rrjedha Veriore një” në Evropë janë ndalur për një kohë të pacaktuar.
Gazprom mbylli tubacionin midis 31 gushtit dhe 2 shtatorit për riparime, ndërkaq furnizimet ishin planifikuar të rifillonin pas 2 shtatorit, por kompania njoftoi se tubacioni do të mbetej i mbyllur, raporton Anadolu Agency (AA).
Zëdhënësi i Kremlinit, Dmitriy Peskov, tha të hënën se dërgesat përmes gazsjellësit mund të fillojnë nëse hiqen sanksionet kundër Rusisë pasi ato pamundësojnë mirëmbajtjen e tubacionit.
