Ministrja e Drejtësisë, Albulena Haxhiu ka treguar se në Ministrinë që drejton ajo ka ardhur një prind i një vajze, i cili ka rrëfyer se në dhjetor të 2021 një person ka tentuar ta dhunojë vajzën e tij 14-vjeçare, përcjell InLajmi.
Gjithashtu prindi i vajzës ka treguar se ndonëse emri dhe mbiemri i të dyshuarit dihet, i njëjti nuk është dënuar dhe as nuk ndodhet në burg.
Haxhiu thekson se personi i dyshuar është ende i lirë.
Postimi i plotë i saj:
Sot, prindi i një vajze 14 vjeçare, erdhi në Ministrinë e Drejtësisë, na njoftoi që në dhjetor të vitit 2021, ka pasur tentim dhunim të vajzës së tij 14 vjeçare. Ndonëse emri dhe mbiemri i personit të dyshuar dihet, i njëjti nuk është dënuar dhe as nuk është në burg. Personi i dyshuar është i lirë!
*Postimi më lartë është bërë me lejen e prindit. /InLajmi/
