Kryetari i PDK-së Memli Krasniqi, ka kujtuar Nënë Terezën në 25 vjetorin e vdekjes së saj, duke thënë se jeta e saj është një shembull dhe mësim për të gjithë, përcjell InLajmi.
Krasniqi shprehet se nuk ka thënie më të madhe e më kuptimplote se jetëpërshkrim i gjithë aktivitetit human të Nënë Terezës.
Gjithashtu ai ka thënë se populli shqiptar është përjetësisht krenar që botës i’a fali një figurë kaq të madhe si Nënë Tereza, duke mbetur përjetësisht në kujtimet e të gjithëve.
Postimi i plotë i tij:
“Jo të gjithë mund të bëjmë gjëra të mëdha. Por, të gjithë mund të bëjmë gjëra të vogla me dashuri të madhe” Nëna Terezë.
Nuk ka thënie më të madhe, më kuptimplote, e cila është një jetëpërshkrim i gjithë aktivitetit të saj human në 25 vjetorin e ikjes në amshim të Nënë Terezës.
Nga Shkupi në Kalkutë, e nga aty në të gjithë botën, për të shtrirë dorën e kujdesit, përgjegjësisë, solidaritetit e humanizimit.
Jeta e Nënë Terezës është një shembull dhe mësim për të gjithë, se çdo aktivitet i udhëhequr nga dashuria është i predispozuar për të pasur sukses e ndikim të jashtëzakonshëm.
Populli shqiptar është përjetësisht krenar që botës i fali një figurë kaq të madhe e humane, si Shën Tereza!
Përjetësisht në kujtimet tona! /InLajmi/
