Mërgim Berisha ka lënë Turqinë aty ku është pjesë e Fenerbahce dhe tashmë mund të konsiderohet një lojtar i Augsburg në Bundesliga. Futbollisti me origjinë shqiptare, por që është aktivizuar me të rinjtë e Gjermanisë, transferohet në elitën gjermane falë formulës së huazimit.
Augsburg do të shpenzojë 400.000 euro për sulmuesin 24-vjeçar ndërsa në fundin e sezonit ka të drejtën për ta bërë përfundimisht të tijin lojtarin.
Ndërkaq, Augsburg nuk e ka nisur në mënyrën më të mirë të mundshme sezonin në Bundesligë teksa në 4 ndeshje, është mposhtur në 3 duke marrë vetëm një fitore megjithatë, Berisha mund t’i japë një tjetër ritëm në fushë skuadrës.
Në sezonin e fundit me Fenerbahçe, Berisha u aktivizua në 22 ndeshje të kampionatit turk duke realizuar 4 gola ndërsa tashmë përgatitet për aventurën më të rëndësishme të karrierës, shkruan Super Sport.
Vlen të theksohet se Berisha ka një karrierë të pasur edhe pse vetëm 24-vjeçar, teksa është shpallur kampionë Europe me Shpresat e Gjermanisë ndërsa ka fituar edhe Champions League për të rinjë me Salzburgun.
