Analisti Shkëlzen Gashi, ka thënë se pagat e mësuesve duhet të rriten deri në 750 euro.
Ai ka thënë se paralel me rritjen e pagave për mësimdhënësit duhet të bëhet edhe Vetingu në arsim.
“Jo 100 euro, duhet 50% rritje, duhet me pasë rroga deri në 750 euro, por paralel me këtë duhet me u bë vetting në arsim”, ka thënë Gashi.
Gashi ka kritikuar kryeministrin Albin Kurti, i cili sipas tij, kërcënon arsimtarët vetëm kur çohen në greva.
Jo sikur po bën kryeministri Kurti, tu i kërcënu vec kur po mbajnë greve. Qe 2 vjet e ke pushtetin, qe 2 vjet po i bie që s’ke bo kurgjo”, ka theksuar ai në Pressing në T7.
Sipas Gashit, pas krizave të viteve të fundit, sidomos pandemisë e inflacionit të çmimeve, pagat në arsim duhet të rriten për t’iu përshtatur realitetit të ri ekonomik.
