Gjatë ditës ministri i Financave, Hekuran Murati është gjuajtur me miell nga aktivistët e PSD-së si “aksion simbolik” për punëtorët, përcjell InLajmi.
E ministri i Kulturës, Hajrullah Çeku e ka lavdëruar ministrin Murati për qëndrimin e tij edhe pas hedhjes së miellit nga anëtarët e PSD-së.
Ai ka thënë se buzëqeshja e tij ishte përgjigjja e të dinjitetshmit ndaj kamikazit politik.
Tutje ai iu drejtohet anëtarëve të PSD-së duke iu thënë “Për ju kemi vetëm buzëqeshje. Edhe zemrat tuaja plot helm meritojnë shërim”.
Postimi i plotë i tij:
I heq kapelën ministrit Murati, buzëqeshja e tij është integriteti i tij moral e profesional. Është përgjigjja e të dinjitetshmit ndaj kamikazit politik.
Për ju kemi vetëm buzëqeshje. Edhe zemrat tuaja plot helm meritojnë shërim. /InLajmi/
