Gjykata Themelore në Prishtinë ka caktuar masën e paraburgimit për 6 të arrestuarit e 2-të në rastin e përdhunimit të 11-vjeçares.
Të pandehurit të cilëve iu caktua masa e paraburgimit janë D.RR., G.S., B.S., F.S., M.S., dhe M.R., pasi të njëjtit dyshohet se e kanë kryer veprën penale “Dhunimi”.
“Gjyqtari i procedurës paraprake kërkesën e Prokurorisë për caktimin e masës së paraburgimit kundër 6 të pandehurve e ka aprovuar si të bazuar dhe të njëjtëve iu është caktuar masa e paraburgimit në kohëzgjatje prej 1 (një) muaji, për secilin veç e veç”, thuhet në njoftimin e prokurorisë”.
Tutje, në njoftim thuhet se gjykata ka marrë parasysh peshën e rëndë të veprës penale, mënyrë dhe rrethanat në të cilat janë kryer veprat penale ndaj të miutrës, prandaj edhe është marrë vendimi për paraburgim, pasi ekziston rreziku i ikjes së tyre.
“Ekziston rreziku i ikjes së tyre, me qëllim të shmangies nga përgjegjësia penale, ekziston rreziku që i njëjtit do të asgjësojnë, fshehin, ndryshojnë apo edhe të falsifikojnë provat e veprës penale, ndikimit në të dëmtuaren dhe në dëshmitarë andaj masa e paraburgimit tani për tani është e vetmja masë preventive që do të parandaloj të njëjtit në përsëritjen e veprës penale të njëjtë apo të ngjashme”, përcjell Klan Kosova.
Kujtojmë se në rastin e dhunimit të 11-vjeçares janë arrestuar edhe 5 persona të tjerë, teksa reagime ka pasur nga qeveria, presidenca, partitë opozitare e shoqëritë civile, teksa janë mbajtur edhe protesta në lidhje me rastin.
