Zëvendëspresidentja e Argjentinës e ka shmangur për pak atentatin pasi një armë u shenjestrua në drejtim të saj, por arriti t’i shmangej, transmeton InLajmi.
Pamjet tregojnë momentin kur Cristina Fernández de Kirchner e gjeti veten ballë për ballë me armën e mbushur.
Ish-presidentja ishte jashtë shtëpisë së saj, e rrethuar nga një turmë mbështetësish që e mbështesin në luftën e saj kundër akuzave për korrupsion.
Policia tha se personi i armatosur, i identifikuar si një brazilian 35-vjeçar, ishte arrestuar.
Ata po përpiqen të përcaktojnë një motiv për sulmin ndaj politikanes, e cila ishte president e Argjentinës nga viti 2007 deri në 2015.
Presidenti Alberto Fernández zbuloi se arma ishte e mbushur me 5 plumba, por nuk arriti të qëllonte kur për pak u shkrep.
Në një video tjetër, njerëzit në turmë duket se përpiqen të bllokojnë zonjën Fernández de Kirchner nga personi i dyshuar i armatosur, i cili u afrua pak centimetra larg saj, shkruan BBC.
Turma është mbledhur jashtë shtëpisë së saj për netët e fundit në shenjë mbështetjeje teksa ajo lufton akuzat për mashtrim të shtetit dhe përfshirje në një skemë për të devijuar fondet publike gjatë kohës që ishte presidente. /InLajmi/
