Shtetet e G7 kanë rënë dakord të vendosin një kufi çmimi për naftën ruse në një përpjekje për të goditur aftësinë e Moskës për të financuar luftën në Ukrainë, transmeton InLajmi.
Ndalimi i pjesshëm i BE-së për importimin e naftës ruse nga rrugët detare përfshin:
Ndalohet importi i naftës së papërpunuar nga 5 dhjetori
Produktet e naftës do të ndalohen tërësisht nga 5 shkurt 2023, duke parandaluar financimin ose sigurimin e dërgesave të naftës deri në fillim të vitit të ardhshëm
Sanksionet përfshijnë përjashtime për naftën e importuar nëpërmjet tubacioneve për vendet e BE-së të varura prej tyre, si Sllovakia, Hungaria, Republika Çeke, Bullgaria dhe Kroacia, shkruan BBC.
Hungaria i ka rezistuar përpjekjeve për të sanksionuar eksportet e naftës dhe gazit të Rusisë – duke rritur përqindjen e importeve të saj të naftës nga Rusia nga rreth 43% në nëntor 2021 në 64% në maj të këtij viti. /InLajmi/