Nënkryetarja e Komunës së Prishtinës nga radhët e PDK-së, Donjeta Sahatçiu ka kritikuar qasjen e Qeverisë së Kosovës ndaj punëtorëve për mosekzekutimin e pagave për ata që janë në grevë, përcjell InLajmi.
Sahatçiu teksa e ka quajtur Kurtin si “udhëheqës autokrat”, ka thënë se udhëheqësit e tillë nuk e njohin empatinë, nuk dijnë si të ulen e të bëjnë kompromis, por ndërmarrin hapin e ndëshkimit në pagesë për të dërguar mesazhin e fuqisë mbi puntëtorët.
Ajo ka theksuar se pavarësisht tentatives së Qeverisë së Kosovës për të zmbrapsur grevistët, kjo vetëm sa e ka forcuar vendosshmërinë e tyre për grevë.
Tutje nënkryetarja ka thënë se nëse Kurti nuk i proceson pagat të hënën për mësimdhënit dhe nuk gjen zgjidhje atëherë nuk do të ketë kë të udhëheqë.
Postimi i plotë i saj:
Preke në xhep, e sheh qysh merr vesh.”
Udhëheqësit autokrat zakonisht e ndërmarrin hapin e ndëshkimit në pagesë për të dërgu mesazhin e fuqisë mbi punëtorin me paramendimin se ashtu e kupton dhe i nënshtrohet.
Këta udhëheqës nuk e njohin empatinë. Nuk dijnë si të ulen e të provojnë të bëjnë kompromis për të gjetë zgjidhjen që e kanë përgjegjësi. Por, dijnë të gjykojnë, të përçajnë e besa edhe të linçojnë nëse nuk i bindesh. Këta, veç udhëheqës nuk janë.
Tentativa për të përçarë në ata që meritojnë e duhet të paguhen dhe në ata që nuk e meritojnë e nuk duhet të paguhen është e humbur. Listat e pagave janë dorëzuar në afat, si çdo muaj. Lista shtesë diskriminuese nuk do të dorëzohen asnjëherë.
Tentativa për të zmbraps grevistët me mos procesim të pagave për 1-25 gusht sa nuk kishte grevë vetëm sa e ka forcuar sot vendosshmërinë për grevë edhe nga shërbyes të tjerë. Ndërsa, fëmijët vazhdojnë pa mësim në shtëpi.
Sinqerisht, nuk e di qysh ja ka qitë lapsin ky “udhëheqës”. Por, ajo çka di është që nëse nuk i proceson pagat të hënën dhe nuk gjen zgjidhje për çka paguhet të bëjë, në fund edhe nuk do të ketë kë të udhëheqë. /InLajmi/
