Këngëtarja, Mariah Carey ka dhënë më shumë detaje se pse ajo e quajti dukeshën Meghan Markle një “divë” gjatë një episodi të Archetypes, transmeton InLajmi.
Për Mariah Carey, të qenit divë nuk është gjë e keqe.
Këngëtarja e “We Belong Together” së fundmi iu bashkua Meghan Markle për episodin e 2-të të podcast-it të saj Archetypes, ku ato diskutuan se çfarë do të thotë të jesh divë.
Gjatë bisedës së tyre, Mariah e quajti Meghan një “divë”, gjë që e befasoi Dukeshën e Sussex.
Megjithatë, në një postim të ri në Twitter, Mariah sqaroi se çfarë donte të thoshte në të vërtetë kur i referohej Meghan si divë.
“”Po! Unë e quajta atë një divë, në kuptimin më të mrekullueshëm dhe fuqizues të fjalës!, tha Carey.
Në episod, Meghan fillimisht mohoi se ishte një divë, shkruan E.News.
Ajo vuri në dukje se termi “nuk është diçka me të cilën unë lidhem”, Mariah ndërhyri, duke thënë: “Ti na jep momente të divave ndonjëherë, Meghan”. /InLajmi/
