Reduktimet me rrymë u ndalën të enjten, sipas KEDS. Rikthimit eventual të tyre në Kosovë, sherrin në 2 forma do t’ia shihni qytetarët vlerëson ekonomisti, Imer Raçi.
“Ndikon shumë tek bizneset e duke ndikuar tek puna e tyre në rënie të produktivitetit, kjo do i rritë çmimet e produkteve, barrë që do i bartet konsumatorit” u shpreh ai.
Kufizimet me energji elektrike, pos në ngritje të çmimeve, efekt sipas tij, do të kishin edhe në humbjen e vendeve të punës.
“Punëtorët që punojnë me ofrim shëbimesh përmes telefoni, interneti… vetëm se kanë filluar të e humbin pagën për numrin e orëve pa rrymë sepse kjo ka ndikuar edhe në rënie të të hyrave të kompanive”, theksoi Raçi për Front Online.
Ngjashëm mendon edhe ekonomisti tjetër Mustafë Kadriaj, i cili shton edhe një aspekt negativ më shumë.
“Nëse zgjat kriza energjetike bizneset do të detyrohen të ngrisin çmimet, që ndikojnë në dëm të konsumatorit. Mirëpo edhe do të ikin investitorët potencialë”, theksoi ai.
Çmimet e konsumit kanë qenë më të larta në muajin korrik të këtij viti për 14.2% krahasuar me muajin e njëjtë të vitit 2021.
Në këtë ngritje të çmimeve kanë ndikuar më së shumti vajrat dhe yndyra ushqimore, karburantet, drutë, peleti, buka, drithërat, shërbimet e transportit dhe të tjera.
Sipas Agjencisë së Statistikave të Kosovës, në ngritjen e çmimeve kanë ndikuar vajrat dhe yndyra ushqimore me 54.1%; karburantet dhe lubrifikantët për pajisjet e transportit personal me 44.1%; lëndët djegëse të ngurta, si dru zjarri e pelet etj, me 43.5%; bukë dhe drithëra me 32.1%; shërbime për transport me 27.7%; gazi me 26.8%; qumështi, djathi dhe vezët me 26.3%; mishi me 21.8%.
