Anglia këtë vit ka pasur verën më të nxehtë në histori, thotë Met Office, transmeton InLajmi.
Vera e këtij viti u lidh me vitin 2018 për verat më të ngrohta.
Kjo do të thotë se 4 nga 5 verat më të ngrohta të regjistruara kanë ndodhur që nga viti 2003, pasi efektet e ndryshimeve klimatike janë ndjerë në ngritjen e temperaturave.
Vera e këtij viti përfshiu nxehtësinë rekord në korrik, kur temperaturat në Mbretërinë e Bashkuar tejkaluan 40 gradë Celsius për herë të parë si pjesë e një vale të nxehti të përhapur, shkruan BBC.
Temperaturat e larta kanë tharë lumenjtë, kanë dëmtuar të korrat dhe kanë nxitur zjarret, si dhe kanë lënë pjesën më të madhe të Anglisë në thatësirë. Si për Anglinë ashtu edhe për Mbretërinë e Bashkuar në tërësi, ky ka qenë viti më i thatë deri më tani që nga viti 1976, sipas të dhënave të përkohshme të shërbimit meteorologjik të Mbretërisë së Bashkuar. /InLajmi/
