Kryeministri i Republikës së Kosovës, Albin Kurti, tha se asnjë ditë e mësimit që humb nuk është e lehtë të kompensohet, duke shpresuar që mësimi të vazhdojë sa më shpejtë, raporton InLajmi.
Kurti u ka bërë thirrje prindërve dhe mësimdhënësve që të kuptojnë situatën dhe të mos lejojnë humbjen e mësimit për fëmijët.
“Shpresoj se do të vazhdojë mësimi. Asnjë ditë e humbur e mësimit nuk kompensohet kollaj. Ju bëj thirrje prindërve e mësimdhënësve që ta kuptojnë se jemi në një moment historik dhe nuk bën të braktiset mësimi”.
Sa përket Ligjit të Pagave, kryeministri tha se do të ketë një diskutim publik pas një jave.
“Sa i përket Ligjit të Pagave, ai tashmë ndodhet në diskutim paraprak dhe pas një jave do të jetë në diskutim publik. Koeficienti për mësimdhënësit është më i mirë se kurdo herë në të kaluarën”, deklaroi mes tjerash Kurti.
I pyetur nëse ndalja e pagës është një lloj hakmarrje, kryeministri Kurti ka thënë se nuk është hakmarrje por paguhet ai që punon.
“Nuk ka kurrfarë urrejtje apo hakmarrje ndaj askujt. Por, një gjë duhet ta kuptoni s’mund të paguhen njerëzit për punën që nuk e bëjnë. Ata duhet të paguhen për punën që bëjnë sipas meritës. Kjo nuk është jo vetëm çështje e ligjit, por edhe e arsyes së shëndoshë mendore”. /InLajmi/
