Në Kosovë pritet të kemi mot mjaft të ndryshueshëm, paradite me mundësi për intervale kohore me diell dhe vranësira, ndërsa pasdite pritet të ketë shtim të vranësirave dhe reshje lokale shiu si dhe rrebeshe lokale shiu me vetëtima dhe bubullimë. Vende-vende priten rrebeshe intensive.
Në Shqipëri pritet të mbajë mot kryesisht me diell dhe i nxehtë. Pasdite pritet të ketë shtim të vranësirave, ndërsa në mbrëmje rrebeshe lokale shiu me vetëtima dhe bubullimë. Gjatë natës dhe orëve të hershme të mëngjesit të së premtës një vorbullë ciklonike afrohet nga Italia drejt Shqipërisë duke kushtëzuar rrebeshe lokale shiu me vetëtima dhe bubullimë dhe reshje shiu të cilat pritet të vazhdojnë edhe gjatë ditës së premte herë pas here.
Pas një paraditeje të nxehtë, rrebeshe lokale nesër pasdite priten edhe në Maqedoninë Veriore, Kosovën Lindore dhe Mal të Zi, ndërsa të premtën priten rrebeshe më të përhapura dhe të fuqishme.
Të premtën në tërë rajonin na pret mot kryesisht i vranët, me reshje shiu dhe rrebeshe lokale shiu me vetëtima dhe bubullimë. Vende-vende priten rrebeshe intensive dhe shtrëngata shiu. Rrebeshe dhe shi priten edhe në bregdet. Temperaturat shënojnë ulje në tërë rajonin duke përfshirë edhe bregdetin, shkruan MeteoBallkan.
Të shtunën përmirësim i motit dhe rritje graduale e temperaturave.
