Pas dhunimit të 11 vjeçares i gjithë populli shqipfolës është ngirtur në këmbë duke kërkuar drejtësi për vajzën që dyshohet të jetë dhunuar nga 5 persona, përcjell InLajmi.
Drejtësi për viktimën po kërkohet vazhdimisht dhe reagimet nga të gjitha strukturat e shoqërisë për rastin e të miturës së dhunuar nuk kanë të ndalur.
Ndaj kësaj barbarie ka reaguar ashpër edhe rep artisti i njohur kosovar Gramos Aliu i njohur si Mozzik.
Mozzik si baba i një vajze ka adresuar një kërkesë tek ministrja e drejtësisë në Kosovë, Albulena Haxhiu, që përveç si ministre të reflektojë edhe si nënë dhe të marr një vendim për parandalimin e ngjarjeve sikur kjo e së miturës.
Sipas reperit është momenti që ministrja t’i kthej sytë kah populli, sepse thotë ai tani më shumë se kurrë populli kanë nevojë për përkrahje institucionale.
“E nderuara Ministre. Të lutem për hir të fëmijëve tanë, për hir të fëmijëve tuaj! Bëjeni një vendim të ri, bëni diçka që të paktën të parandalohen këto gjëra! Ti je vet Nënë dhe Zoti t’i ruajtë fëmijët gjithmonë! Përkrahja jote për Popullin duhet të bëhet pikërisht sot/nesër/pasnesër!”, ishin fjalët e Mozzik. /InLajmi/
