Kryeministri i Republikës së Kosovës, Albin Kurti, ka pritur në takim shefin e misionit të Luksemburgut në Kosovë, Eric Dietz, ku bashkëbiseduan për përkushtimin e Qeverisë së Kosovës për arsimin dhe aftësimin profesional, në shërbim të rritjes së punësimit për qytetarët e Kosovës, përcjell InLajmi.
Gjatë këtij takimi me Kurtin dhe Dietz u theksua rritja ekonomike prej 4.9% në 3 mujorin e parë të këtij viti, si tregues shtesë, që demokracia cilësore shkon bashkë me zhvillimin ekonomik.
Gjithashtu u fol edhe për reformat në drejtësi, procesin e vetingut, si dhe luftimin e krimit dhe korrupsionit.
Duke vlerësuar përkrahjen dhe miqësinë e vazhdueshme të Luksemburgut, Kryeministri Kurti shprehu vullnetin e Qeverisë për rritje të bashkëpunimit.
Më tej Kurti e falënderoi Dietz për marrëveshjen e re bilaterale dhe memorandumin e bashkëpunimit me Qeverinë e Luksemburgut, që parasheh përkrahje financiare për Kosovën. /InLajmi/
