Kreu i AAK-së, Ramush Haradinaj ka kritikuar kryeministrin e vendit, Albin Kurtin për keq-qeverisje duke filluar nga ndalja e pagave të mësimdhënësve e deri te reduktimet me energji elektrike, përcjell InLajmi
Ai ka paralajmëruar kryeministrin duke i thënë “Ndalu sa s’të kanë ndalë o Albin Kurti”.
Haradinaj ka kërkuar shpjegim nga kryeministri Kurti se me çfarë të drejte ua ndal rrrogat mësimdhënësve dhe i shantazhon.
Tutje kreu i AAK-së ka kërkuar nga Kurti që të heq dorë nga kjo qeverisje sa nuk është bërë vonë.
Postimi i plotë i tij:
Ndalu sa s’të kanë ndalë o Albin Kurti
Ku je tuj dashtë me e çu këtë vend o Albin Kurti?! A je tu e pa që je duke e shkatërru me themel!?
Me çfarë të drejte ju ndalë pagat personelit arsimor? Me cilin ligj a me cilën kushtetutë? Kush janë ata sejmenë trima që i kërcënojnë e i shantazhojnë mësuesit!?
Kush ta ka dhanë atë të drejtë që në pikë të verës me e lanë popullin në terr! Pse e ke pengu ndërtimin e Kosovës së Re? Pse nuk i ke hapë rrugë gazit për energji?
Pse po i mbanë paret e popullit në arkën e shtetit e nuk po i rrit rrogat. A ta ka thanë dikush se njerëzit kanë fillu të vuajnë edhe për bukë?
Ky vend nuk është pronë e jotja. Ti ke marrë votë me qeverisë vendin e jo me shkatërru atë.
Hiq dorë nga kjo mënyrë e qeverisjes sa nuk është bërë vonë. Ktheju popullit, sepse po t’u kthy ai ty, do të përfundosh me turp. Ndalu vet e mos lejo të të ndalin! /InLajmi/
