Kryetari i Lidhjes Demokratike të Kosovës, Lumir Abdixhiku ka kritikuar Qeverinë e Kosovës për ndalimin e pagave për mësimdhënësit që ndodhen në grevë, përcjell InLajmi.
Abdixhiku e ka quajtur këtë veprim të qeverisë si “shantazh jodemokratik dhe akt të shëmtuar politik”.
Tutje Abdixhiku e ka ftuar Qeverinë që në vend të arrogancës të bëjë dialog me sindikatat e arsimit.
Sipas tij, gjëja e fundit që mësimdhënit e zyrtarët publik kanë nevojë sot është ndalesa e pagave, pasi është burimi i vetëm i mbijetesës për ta.
Postimi i plotë i tij:
Gjëja e fundit që familjet e mësimdhënësve e zyrtarëve publik kanë nevojë sot, është ndalesa e pagave të tyre – burimit të vetëm të mbijetesës. Në inflacion rekord, në krizë të paprecedentë terri veror, në investime kapitale minimale – ky shantazh jodemokratik është akt i shëmtuar politik.
E ftoj Qeverinë për dialog në vend të arrogancës. Mësimdhënësit e zyrtarët shtetëror janë njerëzit tanë. Familjet e tyre janë qytetarë tanë. Politika bëhet për ta. Shpërputhja e pushtetit me kërkesa qytetare – në këtë masë – nuk do të durojë gjatë. /InLajmi/
