Bebe Rexha, së fundi ka publikuar bashkëpunimin e saj me Dj e njohur David Guettan, të titulluar “I’m good (Blue). Ky bashkëpunim është remiks i këngës së famshme “Da Da Blue” të grupit Eiffel 65.
Ky remiks fillimisht u publikua si demo në ‘TikTok’, por më pas presioni i fansave për ta publikuar versionin e plotë bëri që dyshja ta publikojnë.Versioni i plotë është publikuar prej 2 ditësh dhe kënga ka arritur menjëherë sukses mbarë botën, duke u renditur e 3-ta në nivel global në ‘iTunes’.
David Guetta, së fundi ka performuar në festivalin “Creamfields”, ku edhe ka lëshuar pikërisht këtë bashkëpunim.
Teksa i gjithë publiku e këndonin njëzëri këngën e tyre, ku Dj vendosi që ta telefonojë direkt artisten shqiptare, duke i dërguar një video nga skena.
“Unë sapo telefonova Bebe Rexhën, unë dua që ajo ta shohë këtë me ju, këndojeni edhe një herë”, tha mes të tjerash David. Dhe në momentin që muzika ndalonte, publiku të gjithë njëherësh vazhdonin të këndonin tekstin e këngës e cila është shndërruar në hit, shkruan Gazeta Blic.
Të njëjtën e ka shpërndarë edhe këngëtarja shqiptare me famë botërore.
