Situata energjetike në Kosovë është përkeqësuar te dielën, pas rënies së bllokut A3, njofton KEDS, përcjell InLajmi.
Për kufizimet emergjente të energjisë elektrike i janë kërkuar KEDS-it nga KOSTT-i, si shkak i rënies nga sistemi të njësisë A3.
Por që të mos përkeqësohet tutje situata, KEDS-i ka kërkuar nga konsumatorët që të njëjtit, të kursejnë energjinë elektrike.
Njoftimi i plotë nga KEDS-së:
Përkeqësohet situata e furnizimit me energji elektrike nga rënia e nëjsisë A3
KOSTT-i ka kërkuar sot nga KEDS që si pasojë e rënies nga sistemi të njësisë A3, të bëjë kufizime emergjente të energjisë elektrike. Kjo bën që në vend aktualisht të prodhohen më pak se 400 megavatë, që e bën situatën aspak të favorshme.
Në ballafaqim me kufizime emergjente, do të jetë shumë e vështirë të njoftohen të gjithë konsumatorët në kohë, për çka kërkojmë mirëkuptimin e tyre.
Aktualisht kufizimet janë 2 orëshe, por që të mos përkeqësohet tutje situata, kërkojmë nga të gjithë konsumatorët kursim maksimal të energjisë elektrike. Përdorimi i saj në mënyrë efiçiente bën që të gjithë të kemi energji elektrike më tepër.
Në këto rrethana të vështira, duhet të veprojmë të bashkuar në mënyrë që ti kapërcejmë ato sa më lehtë. Së bashku mund t’ia dalim! /InLajmi/
