Arkadiusz Milik zyrtarisht është lojtar i Juventusit, ka nënshkruar për klubin në formë huazimi nga Olympique Marseille.
Kjo është konfirmuar të premtën nga “Zonja e vjetër” e Torinos.
Polaku e filloi karrierën e tij të futbollit me Gornik Zabrze, ku debutoi në moshën 17 vjeçare. Në janar 2013, ai u transferua te Bayer Leverkusen, përpara se të vazhdonte të luante një sezon si huazim te Augsburg. Më pas kaloi te skuadra më e suksesshme e Holandës, Ajax.
Te Napoli Milik qëndroi për 4 sezone, duke u bërë gjithashtu golashënuesi polak më i mirë i të gjitha kohërave në Serie A me 38 gola. Së fundmi në Ligue 1, Milik bëri 5djetë e 5 paraqitje me Olympique Marseille, duke shënuar 30 gola që nga janari 2021 dhe duke u bërë golashënuesi i klubit në të gjitha garat, shkruan RTK.
Gjithashtu Milik nga viti 2012 është pjesë e Kombëtares polake me të cilën ka 62 paraqitje dhe ka shënuar 12 gola.
