Të 6 reaktorët në termocentralin bërthamor të Zaporizhia të Ukrainës kanë mbetur të shkëputur nga rrjeti elektrik i vendit, tha të premten operatori bërthamor Energoatom, transmeton InLajmi.
“Që nga ora 9.00 e mëngjesit më 26 gusht 2022, të gjitha njësitë e energjisë të NPP Zaporizhzhia janë shkëputur nga rrjeti elektrik,” thuhet në deklaratë.
“Linja e furnizimit me energji elektrike të ZNPP në sistemin energjetik të Ukrainës gjithashtu është restauruar, po punohet për përgatitjen e lidhjes së 2 njësive të energjisë të ZNPP në rrjet. Nuk ka komente për funksionimin e pajisjeve dhe sistemeve të sigurisë”, thuhet në deklaratë, shkruan CNN.
Administrata rajonale civile-ushtarake e Khersonit akuzoi forcat ruse për ndërprerjen e 2 linjave të energjisë elektrike në termocentral, duke e lënë të gjithë rajonin e Khersonit përkohësisht pa energji elektrike dhe furnizim me ujë të enjten, përpara se të rikthehej deri në fund të ditës./InLajmi/
