Mbetjet e atij që mund të jetë dinosauri më i madh i zbuluar ndonjëherë në Evropë, po gërmohen në një kopsht portugez, transmeton InLajmi.
Skeleti i fosilizuar i një sauropodi u zbulua në qytetin qendror të Pombal, teksa një burrë po punonte në kopshtin e tij.
Sauropodët ishin më të mëdhenjtë nga të gjithë dinosaurët dhe kafshët më të mëdha tokësore që kanë jetuar ndonjëherë.
Ata kishin qafë dhe bisht të gjatë.
Në fillim të këtij muaji, paleontologët nga Portugalia dhe Spanja zbuluan pjesë të shtyllës kurrizore dhe brinjëve të një sauropodi të mundshëm brachiosaurid që sugjeron se zvarraniku i madh ishte rreth 12 metra i gjatë dhe 25 metra i gjerë, shkruan BBC.
Skeleti është gjetur në shkëmbinjtë sedimentarë të Jurasikut të Sipërm, sugjerohet se është rreth 150 milionë vjet i vjetër. /InLajmi/
