Kryetarja e Forumit të Gruas në Lidhjen Demokratike të Kosovës, Jehona Lushaku-Sadriu, ka shprehur shqetësimin për qasjen jo të drejt të qeverisë me theks ndaj grevistëve të arsimit, raporton InLajmi.
Lushtaku-Sadriu ka thënë se është fyerje e rëndë për grevist kërkesa e Qeverisë që t’i penalizojë me paga punonjësit që i’u kanë përgjigjur grevës të thirrur nga SBASHK-u.
“Ju kemi ftuar për të shprehur shqetësimin tonë lidhur me qasjen që ka Qeveria e Kosovës ndaj grevistëve në sektorin publik, me theks për punëtorët e arsimit. Të enjtën SBASHK ka nisur grevën e përgjithshme në sektorin publik, kurse menjëherë më pas qeveria ka bërë kërkesën për të kërkuar listat e punonjësve të arsimit të cilët janë të përfshire në grevë për t’i pezulluar nga lista e pagave, kështu duke fyer rëndë dinjitetin edhe integritetin e tyre”.
Gjithashtu ajo theksoi se Qeveria në vend që të dialogojë për gjetjen e zgjidhjes, ajo bënë të kundërtën duke i kërcënuar me ndalesë të pagës, mësimdhënësit dhe punonjësit e sektorit publik.
“Në vend se të dialogojë dhe të gjejë një zgjidhje, qeveria ka zgjedhur kërcënimin financiar për mësimdhënësit dhe sektorin publik në kohën kur kriza financiare në vend po thellohet pikërisht nga mosveprimi i kësaj qeverie”. /InLajmi/
