Ish-zëvendësministri i Arsimit, Isuf Thaçi ka thënë se Qeveria e Kosovës duhet të gjejë gjuhë të përbashkët me sindikatat e punëtorëve të sektorit publik për të siguruar kompensim shtesë, përcjell InLajmi.
Sipas tij, kërcënimi dhe ndëshkimi i grevistëve nuk është aspak i drejtë e as nuk përbën zgjidhje.
Tutje Thaçi ka thënë se kjo rritje e pagave duhet të bëhet derisa të reflektojë rritjen e kostos së jetesës.
Ai theksoi se kosto e jetesës në Kosovë është rritur ndjeshëm.
Postimi i plotë i tij:
Kosto e jetesës në Kosovë është rritur ndjeshëm kohëve të fundit.
Prandaj Qeveria e Kosovës duhet që sa më parë t’i rrisë pagat në sektorin publik së paku deri në nivelin sa rritja e pagës ta reflektojë rritjen e kostos së jetesës. Derisa kjo rritje e pagave të bëhet me ligjin përkatës që është në procedurë e sipër, Qeveria duhet të gjej gjuhë të përbashkët me sindikatat e punëtorëve të sektorit publik për të siguruar kompensim shtesë për punëtorët e sektorit publik.
Në rrethanat aktuale, kërcënimi e ndëshkimi i grevistëve nuk është as i drejtë e as nuk është zgjidhje. /InLajmi/
