Një grup udhëheqës i të drejtave të njeriut thotë se më shumë se 16 mijë rusë janë arrestuar nga Kremlini për protesta kundër pushtimit të Ukrainës, transmeton InLajmi.
Raporti nga grupi OVD-Info, një monitor i pavarur rus i të drejtave të njeriut, tha se rreth 16.437 njerëz janë arrestuar për një sërë veprash që nga shkurti.
Të dyshuarit u kapën nga protestat në rrugë dhe komentet në rrjetet sociale. Shifra përfshin gjithashtu persona të arrestuar thjesht për referimin e konfliktit si një “luftë”, e cila është bërë e paligjshme në Rusi, shkruan BBC.
Shumica e arrestimeve erdhën në 2 muajt e parë të konfliktit, duke sugjeruar se shumica e opozitës së brendshme në Rusi është shtypur nga goditja e rëndë e qeverisë. /InLajmi/
