Një rast i rëndë ka ndodhur në Bajnicë të Kaqanikut, një fëmijë 4-vjeçar ka ndërruar jetë, pasi ka rënë në një pus, përcjell InLajmi.
Lajmin për gazetën InLajmi e ka konfirmuar zëdhënësi i Policisë për rajonin e Ferizajt, Kanun Veseli, i cili tha se fëmija u nxor nga aty pa shenja jete.
Policia e Kosovës, Emergjenca dhe zjarrfikësit kanë dalë në vendin e ngjarjes.
Njoftimi i plotë nga Policia e Kosovës:
Policia Rajonale e Ferizajt ka pranuar një informacion se sot rreth orës 11:15 në fshatin Bajnicë, në rrugën ‘Natyra’ të Kaçanikut, një fëmijë mashkull, i moshës 4 vjeç ka rënë në një pus (bunar). Menjëherë Policia, Emergjenca , si dhe Zjarrfikësit kanë dalë në vendin e ngjarjes, por për pasojë trupi i tij është nxjerrur pa shenja jete, kjo e konfirmuar nga mjekët kujdestar në vendin e ngjarjes. /InLajmi/
