Federata Sindikale e Shëndetësisë së Kosovës ka dalë kundër grevës së përgjithshme të paralajmëruar nga SBASHK-u, përcjell InLajmi.
Nga Federata Sindikale e Shëndetësisë theksojnë se kërkesat e SBASHK-ut nuk janë në interes të punëtorëve shëndetësorë sepse ata veç e gëzojnë shtesën prej 60 eurove.
Gjithashtu në deklaratë thuhet se kryesia e FSSHK vendos t’i hapë rrugë dialogut me Qeverinë e Kosovës, në mënyrë që të gjendet zgjidhje.
Njoftimi i plotë nga FSSHK:
Kryesia e FSSHK-së në mbledhjen e jashtëzakonshme të mbajtur me datë 25.08.2022 pas shqyrtimit të situatës si dhe paralajmërimit të SBASHK-ut dhe Administratës për fillim të Grevës së Përgjithshme,del me qëndrim kundër Grevës respektivisht nuk i bashkëngjitet Grevës për shkak se kërkesat nuk janë në interes të punëtorëve shëndetësor sepse punëtorët shëndetësor e gëzojnë shtesën prej 60 euro dhe nuk është arsye e mjaftueshme FSSHK të merr veprime sindikale siç janë Grevat për 40 euro gjithashtu se Ligji i Pagave është proceduar për miratim në Qeveri dhe priten konsultime rreth tij,Kryesia vendos që ti hap rrugë dialogut për vërejtjet dhe kërkesat e punëtorëve shëndetësor ti realizojë nëpërmjet dialogut me komisionet përkatëse si dhe me Qeverinë e Republikës së Kosovës.
Prandaj duke pasur parasysh edhe situatën politike duke mos përjashtuar mundësinë e veprimeve sindikale, konsideron se për momentin nuk ka asnjë arsye madhore të hyjmë në Grevë. /InLajmi/
