Kanë vijuar edhe gjatë mëngjesit të së mërkurës sulmet e ushtrisë ruse në centralin bërthamor të Zaporizhjas.
Lajmi u dha nga kryetari i përkohshëm i bashkisë, Anatolii Kurtiev i cili raportoi se dhjetëra raketa ranë pranë impiantit.
Deri në këto momente raportohet se një zyrtar i centralit dhe shoferi i tij janë vrarë, ndërkohë që autoritetet i frikësohen më të keqes.
Ukraina i frikësohet një dite me sulme të ashpra nga ana e Rusisë për shkak se shënon ditën e pavarësisë, shkruan A2CNN.
Autoritetet me në krye presidentin Zelensky, iu kanë bërë thirrje qytetarëve që të shmangin festimet për këtë ngjarje të rëndësishme.
