Në bregdetin e Velipojës nis sot festivali i skulpturave të rërës, “LAS Art Festival”.
Velipoja do të mirëpres për herë të parë artistë nga bota, në datat 24-27 gusht.
Kjo është hera e parë që një festival i tillë zhvillohet në vendin tonë. Artistët ndërkombëtarë do të performojnë me krijimin e objekteve me rërë, në plazhin e Velipojës.
Bregdeti i këtij qyteti, si një ndër destinacionet turistike të kësaj vere, është plazhi më i bukur ranor që përkon dhe me shpërfaqjen e magjisë së punëve që do të pasqyrohen nga 6 artistë të mirënjohur që do të kompozojnë e riprodhojnë në rërë detaje të punimeve në skulpturë.
Veprat e artit do të qëndrojnë të ekspozuara për publikun për ditë me radhë gjatë këtij sezoni veror, shkruan kultplus.
“LAS Art Festival” do të mundësohet dhe mbështetet nga Ministria e Kulturës.
