Një pjatë më shumë në menunë tuaj, e ardhur nga Greqia. E thjeshtë për t’u përgatitur dhe për më tepër me shumë shije. Pak përbërës, pak minuta, por shumë shije.
Përbërësit:
4 feta djathë të bardhë
1 domate
Vaj ulliri
Piper i zi
Piper i kuq
Rigon
Kripë
Përgatitja:
Në një tavë prej qelqi jo shumë të madhe shtrojmë një letër alumini. Më pas vendosim fetat e djathit të bardhë. Domaten e presim në formë rrethore, në katër feta jo shumë të holla.
Fetat e prera të domateve i vendosim mbi secilën copë djathi. Mbi to hedhim vajin e ullirit, aq sa t’i mbulojë copat e djathit.
Shtojmë gjithashtu piperin e zi, piperin e kuq, rigonin dhe në fund hedhim edhe kripën.
Ndezim furrën në temperaturën 200 gradë dhe e vendosim pjatën në të, shkruan Receta Kuzhine.
E lëmë për rreth 25-30 minuta dhe më pas e heqim nga furra. Mund t’a konsumoni më vete ose si një pjatë shtesë në vaktin tuaj të drekës ose darkës.
